سپێدەهیا ئەڤرۆ شەمبی، ب سێ فرۆکێن بێفروکەڤان هێرش لسەر بنگەهێ بەلەد یێ ئاسمانی ل باکوورێ باژێرێ بەغدا کو هێزێن عیراقی تێدانە هاتە کرن.
میدیایێن عیراقی دیار کریە، تا نوکە زەرەر و زیانێن وان هێرشێن درونان نە هاتینە زانین و چ لایەنان ژی بەرپرسیارەتیا خوە ژ وان هێرشان نە راگەهاندیە، بەلێ ل گورەی راپورتێن میدیای، بلندگۆیێن بنگەهی هاتینە ڤەمراندن و ئاگر ژی ب پشکەکا بنگەهیڤە هاتیە دیتن.
بنگەهێ بەلەد یێ لەشکەری، مەزنترین بنگەهێ ئاسمانیە ل عیراقێ، 64 کیلۆمەتران یێ دیرە ژ باکوورێ عیراقێ.
د سالێن هەشتێیان ژ سەدەیا بۆری كومپانیه‌كا یۆگسلافی دروستكریه، 39 ژێر ئەرد و په‌ناگه‌هێن ئێمن بۆ پاراستنا فرۆکان تێدا هەنە، ل سەر دەمێ شەرێ هەشت سالی یێ دناڤبەرا عیراق و ئیرانێ دا چالاکترین بنگەهێ ئاسمانی یێ عیراقێ بوو، پشتی سالا 2003 هێزێن ئەمریکی دناڤ وی بنگەهی دابوون، پاشان هاتە رادەستکرن بۆ هێزێن عیراقێ.
Comments are closed, but trackbacks and pingbacks are open.