سەربەست لەزگین: پارتییا كاركەران بووییە گەف لسەر ئاسایشا نەتەوییا هەرێما كوردستانێ
زێ بادینان ، پێسمەرگە .
وەزارەتا پێشمەرگە بفەرمی چل ڕۆژیا شەهیدبوونا پێنج پێشمەرگەهێن چیایێ مەتینی گێڕا، كو دهێتە گوتن ژلایێ گەریلایێن پارتییا كاركەرێن كوردستانێڤە تەقە لێهاتبوو كرن.
د وێ مەراسیمێدا سەربەست لەزگین بریكارێ وەزارتا پێشمەرگە دپەیڤەكێدا ڕاگەهاند، پارتییا كاركەران بووییە جهێ سەرئێشیێ بۆ سەرجەم پارچێن كوردستانێ، و رەفتارێن پەكەكێ خزمەتا كوردستان و گەلێ كورد ناكەن،بەلكو بووییە گەف لسەر ئاسایشا نەتەوییا هەرێما كوردستانێ.
سەربەست لەزگین دپەیڤا خودا ڕاگەهاند، پارتییا كاركەران بۆ ئارمانج و ئەجیندایێن سیاسیێن هندەك لایەنان دهێتە بكارئینان، و پێدڤییە خەلكێ كورد ل باكوورێ كوردستانێ وێ ڕاستیێ بزانن، و سەربەست لەزگین پارتییا كاركەران ب ڕێكخستییا داعش هەڤبەركر و گوت: چاوا ڕێكخستییا داعش هاتە بكارئینان بۆ بەرپاكرنا شەڕەكێ مەزن ل دەڤەرێ بهەمان شێوە پارتییا كاركەران دهێتە بكارئینان و بو هەمان مەبەست.
چایێ خۆڤە عەزیز وەیس فەرماندێ هێزێن زێرەڤانیێ د ڕێورەسمێن چل ڕۆژیا پێنج پێشمەرگەهێن ل چیایێ مەتینی هاتینە شەهیدكرن گوت: ئەو جهێ پێنج پێشمەرگەهـ لێ هاتینە شەهیدكرن، دەڤەرا ئامێدیێ بوو، ئەم بۆ بەڕەڤانیێ ژ خەلكی ل وێ دەڤەرێ بوویین، و ئەم نەچووینە دیاربەكر و سلۆپی و هەكاری، دا شەڕی ل دژی پارتییا كاركەران بكەین.
ل پێنجی مەها خزیرانێ پێنج پێشمەرگەهێن سەر ب هێزا زێرەڤانیێڤە ل چیایێ مەتینی دسنورێ قەزا ئامێدیێدا هاتنە شەهیدكرن، وەزارەتا پێشمەرگە گەریلایێن پارتییا كاركەرێن كوردستانێ ب شەهیدكرنا وان پێنج پێشمەرگەهان خەتاباركرن، بەلێ پارتییا كاركەران ئەو چەندە ڕەتكر و دووپاتكر كو ئەو پێنج پێشمەرگەهـ د هێڕشەكا ئەسمانییا فڕۆكێن توركیادا شەهیدبوون
Comments are closed, but trackbacks and pingbacks are open.