شێخ ئەحمەد بارزانی ، شۆڕەشگێر و جڤاکناس

غیاس خالد زێباری

هەرچەندە
بارزان زۆر دکەڤندا بنگەهێ ئایینداریێ و مرۆڤ پەروەریێ و جڤاک ساخلەمیێ بوویە هەر ل سەردەمێ شێخ عبد اللە بارزانی هەتا دگەهیتە شێخ عبد السلامێ دوویێ لێ پشتی شەهیدکرنا شێخ عبد السلام بارزانی ل سالا ١٩١٤ شێخ ئەحمەد بارزانی د ژیێ ٢٢ ساڵیدا جهێ برایێ خۆ شێخ عەبدولسەلامی دگریت و دبیتە رێبەرێ تەریقەتا نەقشەبەندی ل دەڤەرێ و پێشەوایێ رێبازا بارزانی ، وەکی ڕێبازەکا نشتیمانی و مرۆڤایەتی و ئازادیخواز ، ڕاستە پێشوایێن ماڵباتێ یێن بەری وی وەکێ شێخ عەبدوڵڵا و شێخ عەبدولسەلامێ ئێکێ و شێخ موحەمەدێ باب و شێخ عەبدولسەلامێ دوویێ کەسانێن بلیمەت و دۆربین بوون و داهێنانێن مەزن ل فەلسەفە و ئەرکێن تەریقەتێدا کرن مینا دەستکاری و گۆڕانکاریێن بنەڕەتی یێن جڤاکی و داب و نەریتا و ئاڤاکرن و بهێزکرنا هزرا نشتیمانی و نەتەوایەتی ، لێ گاڤ و بریارێن شێخ ئەحمەدێ بارزانی بەرفرهتر بوون و زێدەتر کەفتنە د وارێ بجهئینانێدا .

مینا قەدەغە و پەروەردەیەکا زێدەتر یا پاراستنا ژینگەهێ و نەهێلانا بشوودانا کچا د ژیێ زارۆکینیێ دا و کچکە ب مەزن و پێگۆهرین و هەمی جۆرین نێچیرێ و نەهێلنا سیستەمێ دەرەبەگایەتیێ و دانانا یاسایێن تایبەت ب وان و دابینکرنا دادوەریا جڤاکی و مافێن ئافرەتێ ، کۆ د وی سەردەمی دا دناڤ جڤاکێ کوردەواری و دەڤەرێ دا د زاڵ بوون ، سەرەرای بەرپاکرن و سەرپەرتیکرنا شۆرەشەکا چەکداری دژی داگیرکارا ل سالا ١٩٣١ کۆ بناڤێ شۆڕەشا بارزان یا ئێکێ دهێتە نیاسین ، و هەڤکاریا شۆرەش و سەرهەلدانێن دەڤەرێن دیتر یێن کوردستانێ مینا شۆرەشا ئارارات و کۆمارا کوردستان ل مەهاد .

دڤێرەدا دیار بیت کۆخودانێ بارزان ( شێخ ئەحمەد بارزانی) کەسایەتیەکێ مەزن و دووربین و جڤاک ناس و نشتیمان پەروەرێ مەزن بوویە چونکی ئەڤ بریار و سەرەدەریێن جەنابێ وی بۆ جڤاکێ وی سەردەمی یێ کوردستانێ جهێ حیبەتیێ بوون ، نەخاسمە دژایەتی و نەهێلانا سیستەمێ دەرەبەگایەتیێ لەوما زۆبەیا دەرەبەگێن کوردستانێ ژبووی پاراستنا بەژەوەندێن خۆ یێن دژایەتی لێکر و پڕوپاکندێن بێ بنەما و دۆر ژ راستیێ لسەر بەڵاڤ کرن و پەنا برە بەر دەستهەڵاتێن وی سەردەمی بۆ سەرنەگرتنا پرۆژێن شێخی .

دادوەریا دەستهەڵاتا شێخێن بارزان یا دادوەر فاکتەرێ سەرەکی بوو بۆ لێکۆمبوونا خەلکێ زۆڵم لێکریێن دەڤەرێن دیتر لسەر دەستێ دەرەبەگا نەخاسمە دەڤەرێن دەوروبەر و بەرفرەهبوونا تەکیایا بارزان .

ەم دملبزاڤا سیاسی و نەتەوایەتیا بارزان لسەردەمێ شێخ ئەحمەدێ بارزانی مینا پێشەوایێن بەری وی جهێ مەترسیا دەستهەڵاتداریا ئیراقێ بوون و بەرژەوەنێن رژێمێ و دەرەبەگا تێکەلی ئێک کرن لەوما بەردەوام دژایەتی لێ دکر و هێرش دبرنەسەر و شێخ هاتە ۆرئێخستن بۆ باشوورێ ئیراقێ و چەندین دەڤەرێن دیتر و ل داویێ بریارا سێدانا وی دەرکرن و پشتی سێ ساڵا بریار هاتە گۆڕین بۆ زیندانیا هەتا هەتا و پشتی ڤەگەرەندنا بارزانی نەمر ل ئێکەتیا سۆفیەتا بەرێ ل ساڵا ١٩٥٨ شێخ ئەحمەن دهێتە ئازادکرن و ژیانا خۆ تەرخان دکەت بۆ خزمەتا جڤاکی و ئایینی و وەکی . لرۆژا ١١/١/١٩٦٩ ژبەر نەساخیێ ل خەستەخانا ئبن سینا ل بەغدا وەغەرا داویێ دکەت .
کار و ڕەفتار و بریار و یاسایێن شێخ ئەحمەد بارزانی دیار دکەن کۆ زانا و کەسایەتیەکێ مەزنێ ئایینی و جڤاکی و نشتیمانی بوویە و ئەگەر کەسایەتیەکێ جڤاکەکێ ئەورۆپی یان ئەمریکی و هەر مللەتەکێ سەردەست و خودان سەروەری بایە ناڤێ وی دا چیتە د سازیێن نیڤ دەولەتی دا و بنە پشکەک ل کارنامێن سازی و رێکخراوێن نیڤ دەولەتی و پرۆگرامێن خاندنێ دا و فیستیڤالێن تایبەت بۆ هێنە بەستن ئانکۆ دابیتە کەسایەتیەکێ جیهانی .
لێ یا گرنگ ئەوە رێک و رێبازا بارزان یا بەردوامە و بارزانی نەمر بەردەوامی پێ دا و گەشەتر و بەرفرەهتر و ڤینا وی دناڤ خەلکێ کوردستانێ یێ نشتیمان پەروەر و چاکساز خواز یا بەردەوامە و دێ هەر مینیت و لسەر دەستێ سەرۆک مەسعود بارزانی ژی رێبازا بارزانی وەکی ڕێبازەکا مرۆڤایەتی و نشتیمانی بەرفرەهتر بوو پشکەکا زۆرا ئارمان و هیڤیێن پێشەوایێن رێبازا بارزانی و خەلکێ کوردستانێ بجهــ هاتینە و بەردەوام د گەشەکرنێ و بەرفرەهبوونێ دایە و هیڤیا خەلکی ئەوە لسەر دەستێ ڤێ ڕێبازێ و پارتی دیموکراتی کوردستان چاکسازی و برایەتی و وەکهەڤی و دادوەریا مینا سەردەمێ شێخ ئەحمەد بارزانی و بارزانی نەمر و پێشەوایێن بەری وان بکەڤنە د وارێ بجهئینانێ دا .

• نڤیسەرێ هێژا ئەو ناڤێ تە لخارێ هاتیە نڤیسین دکاری هەموو بابەتێن خۆ ببینی….