بڕیارە سوبەهی چارشەمبێ مووچەیێ وەزارەتا ناڤخۆ و پەروەردە و کاروبارێن جڤاکی بهێتە پارڤەکرن.
ئەڤرۆ سێشەمبێ ژی، یەکەیێن ٧٠ و ٨٠ و وەزارەتا دارایی مووچە وەرگرتن.
هەر دوهی، سەرۆکێ نوینەرایەتیا حکومەتا هەرێمێ ل بەغدا ڕاگەهاند، “هەیا دەمێ پەسەندکرنا پرۆژەیاسایا بودجەیێ ٢٠٢٢ێ شاندنا پشکا هەرێمێ دێ بەردەوام بیت”.
ئەو ژی د دەمەکێ دایە، داهاتێ پەتڕۆلا فرۆتی ب بۆریان زێدەتر ژ ترلیۆنەک و ٢٠٠ ملیار دیناران بوویە و کوما داهاتێ ناڤخۆ ژی زێدەتر ژ ٥٠٠ ملیار دینارانە دگەل هەڤکاریێن مەهانە یێن هەڤپەیمانان کو ٢٨ ملیار دینارن، لێ حکومەتا هەرێمێ بۆ پارڤەکرنا مووچەی چاڤێ وێ ل ٢٠٠ ملیارێن بەغدایە.
Comments are closed, but trackbacks and pingbacks are open.