پەیڤدارێ حکومەتا ئەلمانیا ڕاگەهاند، “ئانگێلا مێرکل ب رێیا پەیوەندیەکا تەلەفۆنی دگەل سڤیتلانا تیخانۆڤیسکا سەرکردەیێ ئۆپۆزسیۆنا بیلاروسیا کریە و گۆتۆبێژێن قەیرانا سیاسیا بیلاروسیا و “رەوشا دژوار”یا سەر سنورێ دنافبەرا بیلاروسیا و ئێکەتیا ئەوروپا کریە”.
ستێفن سایبەرت پەیڤدارێ حکومەتا ئەلمانیا ڕاگەهاندیە، مێرکلێ پشتەڤانیا ئەلمانیا بۆ لڤینا دیموکراسیا بیلاروسیا داخازکریە.
شێورمەندا ئەلمانیا تەکەز ل وێیەکێ کریە پێتڤیە سەرکردایەتیا بیلاروسیا داویێ ب سەرکوتکرنا دژی ئۆپۆزسیۆنێ و رۆژنامەڤانێن سەربەخۆ بینن، هەروەسا زیندانکریان ئازادبکەن و گۆتۆبێژێن جددی بکەن دگەل کۆمەگەهێ دا هەیا کو ب رێیا هەلبژارتنەکا دادپەروەر قەیرانان چارەسەربکەن.
سەرۆکێ بیلاروسیا ئالکساندەر لوکاشینکۆ بانگەشەیا سەرکەفتنێ کر د هەلبژارتنێن سەرۆکاتیێ دا ل سالا دەربازبوویێن وی وەلاتی، ئەڤەژی زێدەباری وێیەکێ گەلەک وەلاتێن رۆژئاڤا و ئۆپۆزسیۆن و دیموکراتخازێن بیلاروسیا گوتیە سەختەکاری د هەلبژارتنان دا هاتیە کرن، گروپێن جودا جودایێن ئۆپۆزسیۆنێ ژی دبێژن تیخانۆڤسکایە د هەلبژارتنان دا سەرکەفتیە.
پشتی هەلبژارتنان ژی خۆپێشاندانێ، مەزن ل بیلاروسیا بڕێڤەچوون، سەدان کەس هاتنە دەستەسەرکرن و ئێخستنە زیندانێ.
Comments are closed, but trackbacks and pingbacks are open.