دیدار، بێوار زێباری
صادق کێە و چکریە د وارێ خاندن و نڤسینی دا، زێدەتر د ڤێ دیدارا زێ بادینان دا دبێژیت، ئەو نوکە زۆر حەز ڕاگەهاندنێ ناکەت و یێ بەردەوامە ژی ل سەر بەرهەمێن جودا جودا یێن ئەدەبا کوردی.
- صادق عبدالخالق حمید محمد شۆشی
- سالا ١٩٦٩ ل کوندێ شۆشێ ژدایک بۆیەِ
- خۆندنا سەرەتایی وناڤنجی وئامادەیی ل شارێ ئاکرێ تمام کریە
- باوەرناما بکالوریوس/ ئاداب/ بەشێ زانستێن قورئانێ ل زانکۆیا عیراقی لسالا ٢٠٠٧ لبەغدا وەرگرتیە
- باوەرنامە ژئەندازیاریا دەرۆنی ژسەنتەرێ (افاق للتمنیە البشریە) ل (٢٠٠٣) وەرگرتیە
- باوەرنامە لدور(پرنسیپێن رۆژننامەگەریێ ) لسەندیکا روژنامەڤانێن کورستانێ لقێ میسل ٢٠٠٤،وەرگرتیە
- باوەرنامە لدور (کارێ وەبەرھینانێ ) ژ سەنتەرێ گەشەپێدانا مرۆیی یا عیراقی (٢٠٠٥) وەرگرتیە
- باوەنامە لدور (روشەنبیریا راگەھاندنێ ) ل رێگخراوا ( کون کوردیا) یا ئەمریکی (٢٠٠٦) وەرگرتیە
- ئەندامێ دامەزرینەرە ل بزاڤا روشەنبیری ل ئاکرێ سالا١٩٩١
- بویە ئەندامێ سەندیگا روژنامە نڤیسێن کوردستانێ ل سالا ٢٠٠٤
- بویە ئەندامێ ئێکەتیا نڤیسەرێن کورد تایێ دھوکێ ل سالا
- ئێک ژدامەزرینەرێن تیپا ھونەری ( رۆناھی )یا سرۆدێن ئایینی بویە لئاکرێ سالا ١٩٩٥
- ئێک ژدامەزرینەرێن دەنگێ پەیام رادیویا ئاکرێ بویە ل سالا ٢٠٠٤
- ل سالا ١٩٨٥ دەست بکارێ نڤیسینێ کریە
- ل سالا١٩٨٧ ھوزانیێن وی ھاتینە خواندن ل رادیۆیا کوردی ل بەغدا،وئێکەم ھوزان بناڤێ (نێرگزا من ) ژبەرنامێ (دەرگەھێت ژینێ )ھاتە بەلاڤ کرن
- یەکەم بەرھەمێ وی سالا ١٩٨٩ھاتیە بەلافکرن لروژناما بزاڤ ل بەغدا – بناڤێ (خوزیکێن دلێمن) بەلاڤ بویە
- ل سالێن ١٩٩٢ – ١٩٩٤ بەشداری کورێن ھوزان خواندنێ بویە ل بزاڤا روشەنبیری ل ئاکرێ دگەل ڤان ھێژایان – ئەحمەد قەرەنی – حکمەت ملا یاسین – انور شعبان – خسرو ئاکرەیی – ئەلند ئاکرەیی – شەمال ئاکرەیی – ئەمیر یوسف ئاکرەیی – رزگار رەشید ئاکرەیی – محمد سعید باکرمانی – مستەفا سەلیم ئاکرەیی،سەعید شەریف ئاکرەیی
- یەکەم دیوانا ھوزانا سالا(٢٠٠٢) بناڤێ (ناسناما من ) ھاتە چاپکرن وبەلاڤکرن
- بدەھان ھوزان وچیرۆک وگوتارێن وی ھاتین بەلافکرن دگۆڤارو روژنامادا وەک(بزاڤ، رەسەن، یەککرتوو، زەنگۆ بەنگ، بانگی حەق، الحوار ، گۆڤارا نڤیسەر ، گۆڤارا پویێتیکا )
- چەندین ھوزانێن وی بوینە ستران وسرۆد ب دەنگی ھونەرمەندێن کوردستانێ وەکو(سید احمد، وھبی صدیق، بھاءئێکمالەیی، صابر کوچەر، جمعە زاخویی، مقداد ھروری ، روکن ئەترۆشی)
- چەندین بابەتێن(ئەدەبی، فلکلۆری، ئایینی)ل دەنگێ پەیام رادیویا ئاکرێ پێشکێش کرینە لسالێن ( ٢٠٠٥- ٢٠٠٨ )
- پەیام نێرێ روژناما رەسەن بویە ل سالا ١٩٩٥ تا سالا٢٠٠٠
- بەشداری دچەندین کورو سمیناروچالاکیێن – ئەدەبی- ئایینی – سیاسی – داکریە
- سەرپەرشتکارێ ئێتیمان بویە (ل رێگخراوا فریاکەفتنا ئیسلامی یا جیھانی) ل شارێ ئاکرێ ودەورو بەر سالێن -١٩٩٤ -١٩٩٨
- کومەکا گەنجا لدور خۆ کۆم کرینە وھایداینە ژبو کارێ نڤیسینێ وبەرھەمین وان دگوڤارو روژناماندا بەلاڤکرینە
- ب دەھان بابەتێن – ئایینی – روشەنبیری – پەروەردەی – دکورو سمینارادا پێشکێش کرینە
- چەندین باوەرنامێن رێزلێنانێ دبیاڤێن جوراو جوردا وەرگرتینە
- بەشداری دچەندین ئاھەنگ وھەلکەفتێن ئایینی و نەتەوایەتی دا کرینە بخوندنا ھوزانا
- چەندین بابەتێن خو ب ناسناڤێن نھێنی بەلافکرینە
- چەند قوتابیان ناما بەکالوریوسێ ب ناڤ ونیشانێن جوراوجور لسەر ھوزانێن وی نڤیساینە
- دیوانا (ناسناما من) مامۆستایێ ھێژا (صدیق حامد)ی وەرگێرایە سەر زمانێ زمانێ عەرەبی ب ناڤێ( ھویتی) ھاتیە چاپکرن وبەلافکرن ، چەندین ھەلبەستێن وێ دیوانێ ب زمانێ عەرەبی دگۆڤارا (بانگی حەق) دا بەلافکرینە .
- ئەو بیاڤێن لسەر نڤیسی وچاپکری وبەلاڤکرین ئەڤەبوینە :- ئەدەبی – فلکلۆری – ئاینی –روشەنبیری – مێژویی
–لدەسپێکێ ھوزانا کلاسیک نڤیسایە ودیوانەک ب ناڤێ (چرایێن ئەڤینێ) بەلاڤکریە،پاشی دیوانەک لدور ئەدەبێ زارۆکان بناڤێ (گولستانا پژگۆژان ) بەلاڤکریە،پاشان دەست ب نڤیسینا ھوزانا سەربەست کریە و چەند دیوان ب ناڤ ونیشانێن جودا
بەلاڤکرینە. - ئەو دەزگەھێن بەرھەمێن وی چاپکرین و بەلاڤکرین
١- پەرتۆکخانا جزبری ل دھوکێ .
٢- پەرتۆکخانا دیار بەکر ل زاخو .
٣- پەرتوکخانا ناڤیان ل دھوکێ .
٤- پەرگەھا چرا ل زاخۆ .
٥- دەزگەھێ تەفسیر یێ چاپ و وەشانێ ل ھەولێرێ .
٦- ئەنستیتویا کەلەپورێ کوردی ل دھوکێ .
٧- پەرتوکخانا خانی لدھوکێ .
٧- دەزگەھێ نالبەند یێ چاپ و وەشانێ ل دھوک .
٨- پەرتۆکخانا بەھدینان ل دھوکێ .
٩- دەزگەھێ رۆژ ھەلات یێ چاپێ ل ھەولێرێ . - ژ بەرھەمێن وی یێن چاپکری
- ھەلبەست :
١- ناسنامامن
٢- چرایێن ئەڤینێ
٣- گۆلستانا پژگۆژا
٤- نامەێن موبایلان
٥- خە ون و ژیوار
٦- شەکرو ژەھر
٧- سرۆش و نێرین
٨-رۆژانێن ئەڤیندارەکی
٩-دانپێدانێن فیلارەکی ژ دۆزەخێ
١٠-نامەیێن رحێ
١١-بەیتا پێغەمبەران
١٢-گازی وچاڤەرێبۆۆن
دوو سێ دیوانێن دیتر ب رێڤەنە - بەرھەمێن وەرگێرای ژ زمانێ عەرەبی :
- کاروانێ توبەداران
- چیڕوکێت قورئانێ
- چەندکا خالێ حەجی-چیڕۆک- بھەڤکاریا م/حجی زبیر ئاکرەیی
- کات ستیڤنس
- مێرگێن باوەرێ
- دا ژخۆ دەست پێبکەین
- سەرھاتی ژ فلکلورێ یابان
- سەرھاتیێن سندیبادی- وەرگێران
- ڕۆندک –چیڕۆک- وەرگیران
- دیتنەکا گشتی ل دۆر ژیانا سەعید نورسی- وەرگێران
- چل رێسایێن عشقێ – بەرھەڤکرن و وەرگێران
- نێزیکی (٣٠) نامیلکەیان دبیاڤێ پەروەردە و رۆشەنبیریا ئایینی دا :
- ڤەکولین
- کورتیەک ل سەرژیان و ئایینێ زرادەشتی
- رێکێن بەھەشتێ
- چیڕۆکا یوسڤی – دەرس و عیبرەت
- سەرھاتیێن پێغەمبەران- پەند وشیرەت
- سیرەتا پێغەمبەری – دەرس وعیبرەت
- نیاسینا خودێ
- مرۆڤ دناڤبەرا خێرو شەراندا
- داستانێن دێرین د ئەدەبێ جیھانی دا
- ژ ناڤدارێن ئەدەبێ سۆفیگەری
- ژ ناڤدارێن ئەدەبێ ئەورۆپی
- ژ ناڤدارێن ئەدەبێ رۆسی
- ژ ناڤدارێن ئەدەبێ عەرەبی
- گوندێ شۆش دلاپەرێن دیرۆکێ دا
- بەرھەمێن ئەدەبی یێن بەرھەڤکری :
- زێرێَ ڤەشارتی – چیڕۆک- بەرھەڤکرن و وەرگێران
- (٢٠)- چیڕۆکێن مام رویڤی- بەرھەڤکرن
- سەرھاتیێن عزرائیلی- بەرھەڤکرن
- سەرھاتیێن ئبلیسی- بەرھەڤکرن
- سەرھاتیێن جحای- بەرھەڤکرن
- سەرھاتی لدور قەزا و قەدەرێ- نڤیسین و بەرھەڤکرن ووەرگێران
- سەرھاتیێن مەلا موحسنی
- سەرھاتیێن شێرە ژنان –بەرھەڤکرن
- (١١١) سەرھاتییێن موسا پێغەمبەر- سلاڤ لێ بن- بەرھەڤکرن
- (٣٣ ) سەرھاتیێن باب ئادەمی سلاڤ لێ بن- بەرھەڤکرن
- (٢٢ ) سەرھاتیێن نوح پێغەمبەر- سلاڤ لێ بن- بەرھەڤکرن
- سەرھاتیێن ئیراھیم پێغەمبەر- سلاڤ لێ بن- بەرھەڤکرن
- سەرھاتیێن ئەیوب، پێغەمبەر- سلاڤ لێ بن- بەرھەڤکرن
- سەرھاتیێن داوودی وسلێمان- پێغەمبەر- سلاڤ لێ بن
- سەرھاتیێن عیسا- پێغەمبەر- سلاڤ لێ بن
- بەرھەمێن بەرھەڤکری دبیاڤێ گەشەپێدانا مرۆڤی دا :
- دێ چەوا گونەھێن تە ھێنە وەراندن- بەرھەڤکرن
- دێ چەوا بیە کەسەکێ خوشتڤی- بەرھەڤکرن
- دێ چەوا تە باوەری بخو ھەبیت- بەرھەڤکرن
- دێ چەوا بیە ملیونێر ب خێرا- بەرھەڤکرن
- دێ چەوا خۆ ژ شەڕ و پیلانێت شەیتانی پارێزی- بەرھەڤکرن
- دێ چەوا بیە بوسلمانەکێ ڕاست و دورست- بەرھەڤکرن
- دێ چەوا زالگەھێ لسەر نەفسا خۆ کەی- بەرھەڤکرن
- دێ چەوا بیە کەسەکێ شاد و بەختەوەر- بەرھەڤکرن
- دێ چەوابیە کەسەکێ ماف پەروەر- بەرھەڤکرن
- دێ چەوا پێغەمبەرێ خۆ نیاسی- بەرھەڤکرن
- بەرھەمێن فلکلۆری :
- مامکێن کوردی
- سەرھاتیێن فلکلوری
- ژ فلکلورێ زارۆکان
- رۆژانێن ژین و ژیارا گۆندان
- ھەر گۆتنەک وسەرھاتیەک دفلکلورێ کوردی دا .
- ژن ئینان دفلکلورێ کوردی دا – بەرھەڤە بۆ چاپێ
“سەرجەم بەرھەمێن بەلافکری دبنە نێزیکی ( ١٠٠) بەرھەمان“.
چەند بەرھەمێن دیتر ب رێڤەنە بۆ چاپێ .
- د قوناغا سنێلەیا ژیێ خوە دا مینا کەسەکێ سەرگردان ل تشتەکێ بەرزەبۆی دگەریام ئەز بخۆمە، بەھرەیە ، حەزە من نەدزانی ئەو چ تشتە ؟
ژبەر وێ چەندێ ھەیامەکێ دگەل ھەڤالا ، ل ھەلکەفتا ، ئاھەنگێن ژنئینانێ من ستران دگۆتن و گەلەک خۆ پێڤە د وەستاند ژی دنڤیسین ، ژبەردکرن ، دوھداری لێ دکر ، لێ پشتی چەندین ھەڤالا ئەز ب وێ چەندێ ئاگەھدارکریم کو دەنگێ من یێ نەخۆشە و ئەز بکێر ستران گۆتنێ ناھێم ، دلێ ژێ سار بۆ وھێدی ھێدی من دەست ژێ بەردان ، ل دویف وێ چەندێ من بەرێ خۆ دا جیھانێ مۆزیکێ شمشال ، دوزەلە ، ساز چەندی من خۆ پێڤە دوەستاند و خۆ لێ دجەرباند بەلێ پا یا ژ خۆ بۆ من ل وی بیاڤی ژی چۆل ێ چێنەکر ، پاشی بەرێ خۆ داجیھانا نیگارکێشیێ و چەندین قەلەمێن رەنگاو رەنگ و دەفتەرێن رسمال خۆ جەماندن ، وێنێن سرۆشتی وتەیرو تەوالا نیگار دکرن ھەتا رادەکی من تشتەک ژێ چێدکر بەلێ پا دلێ من ھەر لسەر نە راوەستا ، ھەتا دۆماھیکێ ھەڤالەکی ئەز ب وێ چەندێ ئاگەھدار کریم کۆ حەز وبەھرەیان شەنگستەکێ ئەکادیمی ژی پێ دڤێت وەکو خواند ل پەیمانگەھا ھۆنەرێن جوان دبیاڤێن جودا دا ..
پشتی وان پێکولا نزانم چەوا حەزا من بەرەف ھەلبەستێ ڤە چۆ ، د وێ قوناغا ژیێ مندا من چۆ ژ کوردیێ نەدزانی وەکۆ خویندن ونڤیسین ، ژقەدەرا خودێ وێ ھەیامێ گۆڤارەکا (کاروان )ب دەست من کەفت ژبۆی فێربۆنا خویندنا زمانێ کوردی دوو سێ جاران ژ سەری ھەتا ھەتا من ڤەخواند وھێدی ھێدی دبەررا ژی خۆ فێری رێنڤیسا کوردی ژی دکر ، ھەیامەکا نێزیک من خۆ دیت ئەز ب خویندن ونڤیسینێ ڤە یێ پستە بویم، ھەر ل وێ ھەیامێ ھندەک دیوانێن ھەلبەستێ مینا ، (جوکەک ژ رویبارێ ئەڤینا من) یا مامۆستا ئەحمەد قەدرەنی ، (ژ رەوشا ھزرێن من) یا ئیراھیم رەشکۆیێ سورچی ، (ھزرو ئەڤین) یا غازی ئاکرەیی ، (ھوزانڤانێت کورد) یا ێادق بەھائەدین ئامێدی ، (مشتاخا چییا )یا مەلا مەحمودێ دێرشەوی ، (ل خەلکی تەحلی ل من شرینی) یا عەبدلرەحمان مزوری و ھندەکێن دیتر…پشتی خواندنا ڤان پەرتۆکان ھێدی ھێدی من خۆ ل ڤەھاندنا ھەلبەستا جەرباندن و کت مات نیشا ڤان ھەلەبەستڤانان ددان مینا : سەلمان شۆشی ، ئەنوەر شەعبان ئاکرەیی ، دکتور نافع ئاکرەیی، عبدالرحمن حاجی ب دیدڤانیا وان کو من حەزو بەھرەیا ھەلبەستێ ل دەف ھەیە و ب دەستنیشانکرنا ھندەک رێنمایان ئەز بەرەف جیھانا ڤەھاندنا ھەلبەستێ ھاندام و دەست خۆشی ل من دکرن ، دانپێدانێن وان ھەلبەستڤانان ھەتا رادەکێ باش باوەری بۆ من چێکر کۆ پێلێ خۆ وێ دەریایێ ڤەنێم وخۆ دوێ جیھانێ دا ڤەبینم ، دگەل وێ چەندێ من پتر بەرھەمێن ئەدەبی خواندن وخۆ نێزیکی ھەلبەستڤانان دکر وئەز ب سەرھەلی ڤان ھەلبەستڤانان بۆم ، شەمال ئاکرەیی، ئەلند ئاکرەیی ، جەمیل حاجی ، ئەزوەر ئامەدی ، ئەمیر یوسف، زرگار رەشید ، ئەحمەد قەرەنی ، خسرو فارس ، حکمەت مەلا یاسین ، سەعید شەریف ، محمد سەعید باکرمانی ، وھندەکێن دیتر ..ب ڤی رەنگی چۆمە دناف جیھانا ھەلبەستێ دا و چەندین دیوان بەرھەم ئینان .
*زالبۆنا ئەنترنێتنێ لسەر ھەمی بیاڤێن ژیانێ دجڤاکێ مەدا ، خوندنا ئەلکترونی ژی بۆیە ئەگەرەکێ سەرەکی کۆ سەری ل پەرتۆکێ وەکۆ کاغەر بستینیت ، راستە ھەتا رادەکێ مەزن کاریگەری یا لسەر خوندنا پەرتۆکێ کری ، بەلێ پا ژلایەکێ دیڤەژی گەلەک ئاسانکاری ژی کرینە ، کو ب دەھان پەرتۆکخانێت زەبەلاح ب ئاسانتیرن شێوە بۆ خوندەڤانی بەردەست کرینە ، دگەل وێ چەندێ ژی ھەتا رادەکێ مەزن خوندەڤان یێ کێم بۆی و پەنایێ بۆ تشتێ کورت و پوختە دبەت ، دێ شێین بێژین بتنێ یێ ل نیڤشکی دگەرێت ، ئەف چەندە ژی بۆ پێشکەفتنا تەکنۆلۆژی دڤان سالێن دۆماھیکێدا ل ھەمی جیھانێ ڤەدگەریت …
*خوندن و نڤیسین تاکە پەناگەھن بۆ من ، کۆ خۆشی و ئارامییەکا بێ سنۆر بمن دبەخشن ، دوی بیاڤیدا ھەستێ ب چێژترین دەمێن ژیانێ دکەم ، خۆیێ ساکارو راستەقینە ڤەدبینم و ب ھەستێن خۆ سەرەدەریێ دگەل رودانان دکەم …
*ڤان دۆماھیکا ئەز گەلەک حەز ژ بیاڤێن راگەھاندنێ ناکەم کو بەرھەمێن خۆ دناڤدا بەلافبکەم ، یا بەرھەمەکی ل ھەلکەفتەکێ ئیمزا بکەم ، ئەو چەند تێنەبیت کو دەزگەھەک داخوازا چاڤپێکەفتنەکێ ، لێدوانەکێ ، بەرھەمەکی ژمن بکەت ، دوان ھەلویستاندا ژی چەندی بشێم پێکولێت خۆ ڤەدزینێ دکەم ، نزانم بۆچی ؟ پتر من دورشمەک بۆ ڤێ چەندێ بلندکریە (قەنجیێ بکەو ب ئاڤێدا بەردە)
*نویترین کارێن ڤان دۆماھیکا من تمامکرین چەند بەرھەمەک بۆن لسەر ناڤدارێن ئەدەبێ جیھانی ، ڤێ گاڤێ ژی سەرقالی ھندەک خوندنێن یاداشتامە، دگەل بەترمەکرن وکەزاخەکرنا کومەلەکا چیرۆکان، دگەل ھەڤالجمکا ژینا خۆ ژی ھەلبەستێ یێ بەردەوامم .
*پڕ ژ دل سوپاسیا گۆڤار و مالپەڕێ “زێ بادینان” دکەم بۆ ڤێ دیدارێ ، ھیڤیخوازم ھەر یا سەرکەفتی بیت ب گرنگیدانا زمان وکولتورو ئەدەبێ کوردی ، خەمخوریا وێ بۆ ناساندنا نڤیسەر و ھۆنەرمەند وھەلبەستڤانا وبەلافکرنا بەرھەمێن وان .
Comments are closed, but trackbacks and pingbacks are open.