شکەفتا “هان سون دۆنگ” ل ڤێتنام کو ناڤێ وێ ب رامانا “شکەفتا ڕوویبارێ چیای” دهێت مەزنترین شکەفتا سروشتیا جیهانێیە، جووتیارەکی بناڤی “هۆ خان” ل ساڵا 1991ـێ ب ڕێکەفت دیتەڤە، لدەمێ لدیڤ جهەکی دگەریا دا خۆ ل بارانێ بپارێزیت.
دیڤدا ڕێکا شکەفتێ بەرزە دکەت و دووبارە بۆ دەمێ 15 ساڵان ئەڤ شکەفتە ب نەدیاری دمینیتەڤە، هەتە ل ساڵا 2006ـێ ژلایێ هەمان جووتیار ئەڤ شکەفتە دووبارە دهێتە ڤەدیتن و کومەڵا ڤەکوڵەرێن ڤێتنام ئاگەهدار دکەت، ئەڤ شکەفتە بوویە ب ئێک ژ جوانترین شینوارێن جیهانێ د نۆکەدا.
“بۆ دەمێ 15 ساڵان ئەڤ شکەفتە ب نەدیاری دمینیتەڤە”.
درێژاهیا وێ زێدەتر ژ 5 کیلومەترانە و جهێ 68 فرۆکێن جۆرێ بوینک تێدا هەیە، پانیا وێ 91.44 مێتەرە بلنداهیا وێ 243.84 مێتەرە، ئەڤەژی هندی بلنداهیا ئاڤاهییەکێ 40 نهومییە، ئەڤ شکەفتە هند یا مەزنە کەشوهەوایێ تایبەتێ خۆ هەیە، ژبەر هندێ عەڤر دناڤدا دروست دبن، زۆر کەسان ب هەسەرەکا دەرڤەی ئەردی پەسن کریە و شاهرەزایان ناڤێ وێ کریە ” باخچێ بەهەشتێ”.
Comments are closed, but trackbacks and pingbacks are open.