ژێدەرێن میدیایی ڕادگەھینن ، کو پاکستان گرێبەستەکا مەزن یا لەشکەرێ بۆ کڕینا ٣٠ ھێلیکۆپتەرێن ژ جۆرێن ئەتاک ژ تورکیا ب بھایێ ١.٥ ملیار دۆلاران ھەڵوەشاند ، چونکە ئەنقەرە بۆ فرۆتنا وان جۆرە فرۆکان دڤێت ڕازەمەندیا ئەمریکا وەربگریت ، ب وی پێڤەری کو بزڤێنەرێن وان فرۆکان ژ جۆرێ سی تی ئێس ٨٠٠ و ژلایێ کۆمپانیا ئێڵ ئێچ تی ئی سی ڤە دھێنە دروستکرن ، و ل دەمێ ھنارتنا وان فرۆکان بۆ وەلاتێ سیێ ڕازەمەندیا واشتنۆن پێ دڤێت.
بەری نھا ئیسماعیل دەمیری سەرۆکێ پیشەسازیا بەرەڤانیا تورکیا ڕاگەھاندبوو ، کو گرێبەستەک بۆ فرۆتنا ٣٠ فرۆکێن ھێلیکۆپتەر ژ جۆرێ ئەتاک ب ئیسلام ئاباد ئیمزا کریە ، لێ پاشان ژبەر پێدڤیا وەرگرتنا ڕازەمەندیێ ژ واشنتۆن ئاستەنگێن یاسایی بۆ وێ گرێبەستێ دروستبوون ، کو ل گوڕ وێ گرێبەستێ دابینکرنا خزمەتگۆزاریێن لۆجستی و پارچێن یەدەگ و ڕاھێنان و تەقەمنیا بخۆڤە دگریت.
ل سالا بووری ئەمریکا ڕازیبوو ل سەر فرۆتنا ٦ فرۆکێن ژ جۆرێ ئەتاک ب وەلاتێ فلپینێ ، لێ ھێشتا واشنتۆن ڕازی نەبوویە وی جۆرێ فرۆکان ب فرۆشیتە پاکستان، ھەرچەندە دەمێ ڕادەستکرنا وان فرۆکان ب ئیسلام ئاباد چەندین جاران ھاتیە درێژکرن ، لێ داوی جار ئەنقەرە نەشیا ڕازیبوونا ئەمریکا ب دەستڤەئینان ، لوڕا پاکستان ل سەر زارێ بابار ئیفتیخاری پەیڤدارێ لەشکەرێ وی وەلاتی ڕاگەھاند ، کو بڕیار دایە ل شوینا تورکیا فرۆکێن ھێلیکۆپتەر ژ وەلاتێ چینێ بکڕن
Comments are closed, but trackbacks and pingbacks are open.