جەبار یاوەر ئەمیندارێ گشتیێ وەزارەتا پێشمەرگەی ڕاگەهاند، هێزێن پێشمەرگەی و ئارتێشا فیدرالی پێتڤی ب پشتەڤانیا لوجستی و مەشق و راهێنانان و پڕچەککرن و کەرەستەیێن سەربازی هەیە ژ ئالیێ ئەمریکا و هەڤپەیمانیا ناڤدەولەتی، نە هێزا شەڕکەر.
جەبار یاوەر دیارکرن، پێتڤیە ئەمریکا و هێزێن هەڤپەیمانان پشتەڤانیا پێشمەرگەی و ئارتێشا فیدرالی بکەن ب بالەفڕێن جەنگی و بالەفڕێن ئەشکەراکرنا مۆلگە و پێگەهێن داعش و هشککرنا ژێدەرێن هەوارهاتنا وی گروپی و تەڤایا رێیا لێ بهێنە گرتن.
دوهی، مستەفا کازمی سەرۆکوەزیرێن عێراقێ ڕاگەهاند، “ئەرکێ شەڕی یێ هێزێن هەڤپەیمانیا نیڤدەولەتی ب داوی هات و هەموو هێز و چەک و پێتڤیێن سەربازی یێن شەڕی برنە دەرڤەی عێراقێ”.
بەحسا وێیەکێ ژی کریە، “ژ ئەڤرۆ و پێدا روولێ هەڤپەیمانیا نیڤدەولەتی بتنێ دێ شێورمەندی بیت و پشتەڤانیکرنا هێزێن عێراقێ بیت لدویف ئەنجامێن لهەڤهاتنا ستراتیژی”.
ل ٢٦ی تەمموزا دەربازبووی، بەغدا و واشنتۆن د دەمێ گەڕا چارێ و داویێ یا گۆتۆبێژێن ستراتیژیا دناڤبەرا وان دا لهەڤهاتن، کو هێزێن ئەمریکا هەیا داویا ئەڤ سالە ل عێراقێ بهێنە ڤەکێشان و بتنێ راوێژکارێن سەربازی یێن ئەمریکی بمینن.
Comments are closed, but trackbacks and pingbacks are open.