چەند خالەکێن گرنگ بو سەرکەفتن ل پروسا خاندنێ دا

• زێ بادینان،صالح زاهێر محـــەمەد:

٭ هەبونا ئارمانجەکا روون و ئاشکرا و مەزن و گرنگ و هەژی .
٭ دانانا پلانەکا باش و زانستی کو هەژی هندێ بیت بێتە بجهـ ئینان ل سەر ئەردی.
٭ بەردەوام کار کرن و بێ هیڤی نەبون ل پروسا خاندنێ دا .
٭ گوهداری کرنا شیرەتێن ماموستایان و بجهـ ئینانا وان بێ دوو دلی .
٭ حەز لسەر خاندنێ دەستپێکا سەرکەفتنێ یە.
٭ بجهـ ئینانا ئەرکێت ئاینی ب شێوازەکێ بەردەوام هوکارەکێ سەرەکی یێ ئارامی یە و پتر گرنگی دانێ یە ب خاندنێ.
٭دیرکەفتن ژ تورێن جڤاکی کو دەمەک زۆر و بێ شول ژ قوتابی دبەن .
٭ دیرکەفتن ژ هەڤالێن خراب کو کاریگەریەک خراب لسەر خاندنا قوتابی هەیە .
٭ خەو و خارنەک گونجای و دەمێن خو دا و دیف رێنمایێت ساخلەمیێ قوتابی ساخلەم تر دکەن .
٭ وەرزش کرنەکا بەردەوام و لسەر خو وئارام و ڕوژانە.
٭ گرنگی دان ب پاراستنا ساخلەمیا خو .
٭ دیرکەفتن ژ پەیوەندیێت سوزداریێ کو قوتابی بێ پلان دکەت و ئارمانجا وی تێکددەت.
٭ خۆ دیر گرتنا قوتابی ژ گەنگەشە و کێشێن جڤاکی و خێزانی و سیاسی کو کاریگەریێ ل سەر خاندنا وی بکەت.
٭ گوهنەدانا قوتابی ب گوتگوتکێن وان کەسا کو دڤێن ل پروسا خاندنێ سست بکەن.
٭ بەردەوام هزرکرن ژ پێش خو و سەرکەفتنێن بەردەوام .
٭ هەولدانا قوتابی بو گەهشتن ب پێشکەفتنا سەردەمیانە.
٭ دابەشکرنا دەمی ل سەر وانەیێن ڕوژانە .
٭باوەری ئینان ب شیانێن ماموستایێن خو و رێزگرتنا وان هوکارەکە بو هندێ پتر ژ بابەتی بگەهی.
٭دیرکەفتن ژ وان جهـ و کەسێن کو تە وەک قوتابی بێ هیڤی دکەن و سلبی نە ل سەر پروسا ژیانێ.
٭ پارستنا پەیوەندیێن باش دگەل قوتابی و ماموستایا.
٭ هەڤالینیا قوتابیێ باش و زیرەک .
٭ بجهـ ئینانا ئەرکێن ڕوژانە .
٭ هزرکرن ل ژیانا قوتابیێت سەرکەفتی د پروسا خاندنێ دا.
٭ دەست نیشانکرنا جهەک گونجای بو خاندنێ.
٭ رێکخستنا دەمێ بێنڤەدانێ .
٭ هەڤرکیەکا ئارام و لسەر خو و زانستی دگەل قوتابیێن دیتر بو هندێ پتر بخوینی .
٭ خو بەراووردکرن ب قوتابیێن سەرکەفتی و خودان شیان و پلان و نمرێن بلند ، هەولدان ب گەهشتنا وان.
٭ گوهداریا شیرەتێن دایک وبابا .
٭ خو گرتن ل بەر رەوشێن نەخوش و دەست بەرنەدان ژ ئارمانجا مەزن .

“ئەگەر تە پلان نەبیت دێ بیە تاکەک دیر ژ جڤاکی”

٭ ئەوێن بوینە پێشکێش و زانا رێکێن نەخوش و زەحمەت بڕینە لەوما گرنگە قوتابی وێ هزرێ بکەت بێ زەحمەت و سەختیێن ژیانێ ب ئارمانجا ناگەهیت.
٭ قوتابی پاشەروژێن میللەتی نە و گرنگە مروڤ خو وێنە بکەت ل وێ پاشەروژێ دا ب خاندنا ئەڤرو.
٭ دەم دێ بوریت ئەگەر پلان و ئارمانج ژی نەبن لەوما گرنگە قوتابی دەم بوراندنا خو ب مفا دەرباز بکەت.
٭ ئەو چەندە فەرە بو قوتابی روون بیت کو پاشەروژ یا خاندەڤان وزیرەک و شارەزایانە و خاندن وی تاکی دیار دکەت.
٭ ئەگەر تە پلان نەبیت دێ بیە تاکەک دیر ژ جڤاکی و دێ هێیە بکار ئینان ل پلانێن دیتر دا.