ژن و زەڵام چو جار یەکسان نابن

جەلال سلێمان
خودایێ مەزن ب مەزناتیا خوڤە هەردو رەگەز وەکو ئێک، نە هژمارتینە و وەکو ئێک نە ئافراندینە، ئەڤجا بوچی ئەم دێ مافی دەینە خو هەردوکا وەکو ئێک لێ کەین! هەردو ڕەگەز د جوانن هندی وەکی ئێک لێ نەهاتین، هەردەما ژن وەکی زەلامی لێهات، سەرنج و جوانیا خو ژ دەست د دەت، زەلام ژی ب هەمان شێوە.

ئافراندنا وان جێوازی تێدا هەیە ئەڤێ ژی مفایێن خو هەنە، هەر دو ڕەگەز لدویف شیانێن وان یێن جەستەیی و هزری ئەرک و ماف بۆ هاتینە دانان، ئەڤجا بوچی ئەم دێ بارێ وان گرانتر لێ کەین! نە زەڵام ژ ژنێ چێترە و نە ژن ژ زەلامی باشترە، بەلکو هەردو تمامکەرێن ئێکو دو نە، ژیان ب هەردو ڕەگەزا یا بەردەوام و جوانە، ژن یا ژ زەلامی چێبوی لدەسپێکا ژیانێ و زەڵام ژی یێ ژ ژنێ چێبوی، واتە هەردو وەکو ئێک د گرنگن، بەلێ پا ئەگەر ئەم بێژێن هەر وەکو ئێکن و یەکسانن، ئەڤە خاپاندنە و وەنینە، خودایێ مەزن ژن یا چێکری و بەرهەڤکری ژلایێ هەست سوز و دلوڤانی و نازکی و.. هتد..ڤە. دا بشێت ببیتە دایک و بەرەبابا بەرهەڤ بکەت و سەرنجا زەڵامی بۆ خو ب ڕاکێشیت ئو ل پشت هەر زەڵامەکێ بلیمەت و بەهرەمەند ژنەک هەیە.

ئەگەر سالوخەتێن زەڵامی لدەف ژنێ بن، بێگومان ئەو نازکی و جوانیا ژنێ هەی نامینیت، هەر وەسا هێزو زەڤلەک و شیانێن جەستەی یێت داینە زەلامی، دا بشێت کارێت زەحمەت بکەت و پاریێ ژیانێ پەیداکەت و ئەو لایەنێ کێم لدەف ژنی پر بکەت، کا چەوا ژن ژی وان ڤالاتیێن زەلامی هەین پر دکەت، لەوڕا ب چ ڕەنگان کەس نەشێت هەر دوکا یەکسان بکەت، ژ بەرکو خودێ جێواز یێت چێکرین، دیسان دێ بێژم کەس ژ کەس چێتر نینە، بەلکو هەردو تمامکەرێن هەڤدونە.

بلا هەردو وەکو خو بن هەردو هوسا د جوانن، سروشتێ وان یێ خوەزای یێ خودێ ڤیای بلا بمینن هوسا، خودایێ مەزن ژی هەر هوسا دڤێت، هەردو ڕەگەزا پیروزی و بهایێ خو ل دەف خودێ هەیە. بلا ئەم کرێت نەکەین .خودێ دبێژیت (وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ).

• نڤیسەرێ هێژا ئەو ناڤێ تە لخارێ هاتیە نڤیسین دکاری هەموو بابەتێن خۆ بینی ….