کەلەخێن خەونێن هەلاویستی

1
شاشییا جوانییێ

هەر دێمەکێ ژێ دبوری دگرنژی ، هەر دەرگەهەکێ بۆ دچوو د هاتە گرتن ، وێ نیڤ شەڤه هەکو لەهییا روندکان رابویی ل بەرخودیکێ ژ خۆ پرسیارکر : ما گونەها شاش د جوانییێ گەهشتنێ چیه ؟
ــــــــــــــــــــــــــــــــــــــــــــــــ
2
خەونێن هەلاویستی

هەکو ئەز زاروک مرادێن من دوو بوون
یا ئێکێ ئەز مرۆڤ بم ، یا دووێ ژی دلێ من هنجنینێ نە نیاسیت ، ژیان بوری و مرادێن من ژی وەکی من هەلاویستی مان
ـــــــــــــــــــــــــــــــــــــــــــــــ
3

مژدارییا دەمی

وەک وی مامۆستایێ دگوتە قوتابیێ خۆ: خۆ ب وەستینە دێ گەهی و نوکە قوتابیێ وی گەهشتیە چینگێ و دەستڤالا مایی ، ئەز دناڤ مژا تێگەهێن گهوری دا بەرزە بوویمە
ــــــــــــــــــــــــــــــــــــــــــــــــــ
4
ب قنارا پرسیارەکێ ڤه

ئەو ژارێ هە ..
بۆ بەرسڤان یێ چەلەنگ بوو ، وی چ جاران خۆ ب قنارا پرسیاران ڤە هەلاویستی نە ددیت ، ژبلی وان جارێن زاروکێ وی دگوتیێ : تۆ بوچی بۆ من بیکەکێ ژ بازای نا کڕی ؟
ـــــــــــــــــــــــــــــــــــــــــــــ
5
بهوژین د شەرمێ

ئەو یێ زر شەرم بوو ، لێ هەکو چاڤێ وی ب میێن سپی یێن پەرچەما وی کەفتین ، شەرم کر لسەر ملێ خۆ بەرەڤ دوهی ب زڤریت