ڤه‌كۆلینه‌كا زانكۆیا مۆناش ل ئوسترالیا دیاركر، بكارئینانا رۆژانه یا ئه‌سپرینێ هاریكارییا كێمكرنا مه‌ترسییا توشبوون ب ئێشا شه‌كرێ دكه‌ت.
ڤه‌كۆلین ل زانكۆیا مۆناش ل باژێرێ مێلبۆرن یێ ئوسترالى هاته‌كرن و ده‌ركه‌ڤت، بكارئینانا رۆژانه یا ئه‌سپرینێ بۆ كه‌سێن دسه‌ر 65 سالییێدا، مه‌ترسییا توشبوونا وان نه‌خۆشییا شه‌كرا ژ جۆرێ دووێ كێم دكه‌ت، ژبه‌ركو شه‌كرا خوینێ رێك دئێخیت.
د. سۆفیا زۆنگاس، بسپۆرا نه‌خۆشییێن دژوار و سه‌رپه‌رشتا ڤه‌كۆلینێ دبێژیت : ئه‌و كه‌سێن ژییێ وان ژ 65 سالییێ زێده‌تره و رۆژانه 100 ملیگرامێن ئه‌سپرینێ وه‌ردگر، مه‌ترسییا توشبوونا وان ب نه‌خۆشییا شه‌كرا ژ جۆرێ دووێ 15%ێ كێمبوویه.
ل دووڤ دامه‌زراوه‌یا بسپۆرێن دلى ل ئه‌مریكا، گه‌له‌ك بكارئینانا حه‌بێن ئه‌سپرینێ، خوینبه‌ربوونێ زێده دكه‌ت، له‌وما پێشنیاز دكه‌ن كو بێى ده‌ستوورییا نوشداران بكارنه‌ئینن.
ل دووڤ نوشداران، ئه‌سپرین ده‌رمانه‌كه بۆ ئازار و تایێ دهێته بكارئینان، لێ ئه‌گه‌ر ب رێژه‌یه‌كا جۆدا بهێته بكارئینان، دێ بۆ روونكرنا خوینێ بیت، ب تایبه‌تى ل ده‌ڤ وان كه‌سێن نشته‌رگه‌رییا قه‌سته‌رێ بۆ هاتییه كرن، داكو رێگرییێ ل دووباره‌بوونا وێ یان توشبوون ب جه‌لته‌یێ بكه‌ت.
Comments are closed, but trackbacks and pingbacks are open.