هاجیرە ڕەمەزان مستەفا
هەر ژکەڤندا سەرەدان ئێک ژ نەریتێن گرنگ و زێدە بها بوویە دجڤاکا کوردی دا، و د خوشی و نەخوەشیان دا کوردان قەستا ئێک و دوو کریە و خەم و خوەشیێن خوە هەڤبەش کرینە، بتایبەتی د بابەتێن مینا تازی و شەهیان و سەرەدانێن نەخوەشان و هاتنا ژ رێکەک دویر هتد …، هەر ئەڤ چەندەیە وەکری پەیوەندیا جڤاکی یا کوردان گەلەک بهێز بمین.
لێ مخابن ئێدی پشتی ڤێ پێلا مەزن یا شویال میدیایی ب سەر مللەتێ کورد دا کرتی هێدی هێدی ئەو پەیوەندیێن جڤاکی رۆژ بۆ رۆژێ بەرەڤ لاوازبوونێ ڤەدچن و هەمی پەیوەندیێن مە بۆینە ئەلکترونی و برێکا تورێن جڤاکی ئەم هەمی پەیوەندیێن خوە یێن کومەلایەتی و زیندی ئەلکترونی دکن و ئێدی هەڤبەشکرنا خەم و خوەشیان وەکی بەرێ نەمایە و ئێدی مە هەمیان بتنێ بشێوەیەکێ ئەلکترونی ئاگەهـ ژ بارودۆخێ دوست و نیاس و دەوروبەرێن خوە هەیە .
بێگۆمانە هەر جڤاکەکێ پەیوەندیێن جڤاکی تێدا لاواز ببن ڤیان و سوزداری و وژدانا تاکێن وی جڤاکی دێ لاواز بیت و گیانێ دلوڤانیێ و هەڤکاری و پشتەڤانیێ د وی جڤاکی دا دێ بەرەڤ نەمانێ چت.
بۆ پاراستنا پەیوەندیێن کۆمەلایەتی د جڤاکی دا و زیندیکرنا ئەڤی نەریتێ جوان یا فەرە ئێدی دەزگەهێن راگەهاندنێ و مەلایێن سەر مینبەرا و ناڤەندێن پەروەردەیی و خواندنێ و دەزگەهێن رەوشەنبیری و هەرلایەکێ کاریگەر دجڤاکی دا برێکا کور و سمینار و ئامرازێن بەردەست هەولا پاراستنا پەیوەندیێن جڤاکی بکەن و زیان و کاریگەریێن وێ لسەرکومەلایەتی بۆ خەلکەکێ بدەنە دیارکرن و نەهێلن ئەڤ نەریتێ جوان و پێدڤی دجڤاکی دا لاواز ببت و بەردەوام هەولا زیندیکرنا پەیوەندیێن کۆمەلایەتی بکەن بۆ هندێ دووبارە پەیوەندیێن کۆمەلایەتی دناڤا خەلکێ دا خورت ببن .
Comments are closed, but trackbacks and pingbacks are open.