ڕێڤەچوونا ڕۆژانە بۆ دەمێ نیڤ دەمژمێرێ ئێكە ژ باشترین و ئاسانترین ڕێك بۆ پاراستنا ساخلەمییا لەشێ مرۆڤی ژبەركو چەندین مفایێن مەزن هەنە، ژوان:
1- كێمكرنا مەترسییا توشبوونێ ب نەخۆشییا شەكرێ ژ جورێ دووێ: ڕێڤەچوون پشتی خوارنێ بتنێ بۆ دەمێ 10 خۆلەكان ئاستێ گلوكوزی دناڤ خوینێ دا ب ڕێژا 22% كێمدكەت و شیانێن لەشی بۆ بكارئینانا ئەنسۆلینی بلندكەت.
2- كۆنتڕۆلكرنا ئاستێ كۆلستڕۆلێ: ڕێڤەچوون بۆ دەمێ 40 خۆلەكان د ڕۆژێ دا ڕێژا كۆلستڕۆلێ ب مفا (HDL) بلندكەت و یێ زیانبەخش (LDL) كێمدكەت.
3- پاراستنا ساخلەمییا دلی و دەمارێن خوینێ و چالاككرنا زڤڕۆكا خوینێ: ڕێڤەچوون بۆ دەمێ 30 خۆلەكان د ڕۆژێ دا مەترسییا توشبوونێ ب نەخۆشییێن دلی ب ڕێژا 19% كێمدكەت و پەستانا خوینێ د ئینیتەخوار.
4- بهێزكرنا هەستییان: ڕێڤەچوونا بلەز ب ڕەنگەكێ بەردەوام دبیتە ئەگەرێ باشتركرنا كانزایێن دناڤ هەستییان دا و پاراستنا وان ژ پێتیبوونێ.
5- كێمكرنا دوهنێ لەشی و سوتنا كالۆرییان: ئەڤەژی دبیتە ئەگەرێ كێمكرنا كێشا لەشی ب تایبەت ئەگەر ڕێڤەچوون یا بلەز بیت.
6- باشتركرنا دەروونێ مرۆڤی و كێمكرنا سترێسێ.
7- باشتركرنا كریارا هەناسەكرنێ و وەرگرتنا ڕێژەكا باش یا ئۆكسجینی.
8- كێمكرنا مەترسییا توشبوونێ ب زەهایمەرێ.
9- باشتركرنا سیستەمێ بەرگرییێ.
ژێدەر: ويب طب
Comments are closed, but trackbacks and pingbacks are open.