سالار محەمەد فەتاح
وەک ئەم د زانین و دیار کورتیا بالا جەستەیێ مرۆڤی ل دەڤ هندەک کەسان هەیە، و ل ناڤ هەمی نەتەوە و کومەلگەهاندا ئەڤە تشتەکێ نورمال دهيیە سەیرکرن، وەک وان مرۆڤێن کو باڵا وانا گەلەک بەرز. لڤێرە ئەم دشێن بێژین ئەو کومەلگەهێن کو ب چاڤەکێ جوان و دیتنەکا بەرفرەهـ تەماشەی ئەڤان تاکان دکەت ئەو گەهشتینە ئاستەکێ بەرز یێ هزرکرنێ، و هێدی وانا هندەک سنور بەزاندینە یێن کو دبنە هوکارێ چەوساندن و بەرزەکرنا هندەک پیرۆزیێن کومەلگەهێ کو ئەو ژی تاکێن کومەلگەهێنە.
ئەگەر ئەم سەرنجەکی بۆ ڤان تاکان بدەین، دی بینن گەلەک کومەلگەهێن جیهانێ دا ب شێوەیکێ زور جوان و پێشکەڤتی ب ڕێکێن ئەکادمی و زانستی دهێنە دیتن، هەتا ل هندەک کومەلتەهاندا ب تاکێن بژارە دهێنە وەسفکرن، و پالپشتیا هزری و مادی ل ڤان کەسان دهێنە کرن. بەلێ ل هندەک کومەلگەهێن دی بەلکو د ئێخنە ژێر فشارێن دەروونێ و ب چاڤەکێ نە جوان تەماشەی وان دکەن، ئەڤە دبیتە هوکارێ تێکدانا دەروونێ وانا و کێم دیتنا وانا د تەماشەکرنا خوە دا. و ئەو خو دیر دکرن ژ چاڤکێن کامیران، و دیر دکەڤن ژ پەیوەندیێن کومەلایەتی، ئەڤە ژی دبیتە پرسەکا دەرووناسی و جڤاکی یا گەلەک گرنگ بۆ کومەلگەهێ، و کار ل ڤێرە د کەڤیتە سەر ملێن کەسێن جڤاکناس و شارەزایێن دەروونی دڤی بواریدا.
بەلێ ژ بەر ڤێ چەندێ بەردەوام ل ناڤ هندەک کومەلگەهاندا ڕێکخراوێن کومەلگەها سڤێل و هەروەسان چالاکڤانێن کومەلگەها مەدەنی هەولا خوشکرنا ژیارا وانا دهێتە دان.
ئەگەر تەماشەی (کومەلا کورتەبالایێن- دهوک) بکەین دێ بۆ مە دیار و ئاشکەرا بیت کو ستافەکێ خودان شیان هەنە کو بەردەوم هەوڵدانێ دانە کو گەنج و لاوێن خوە و هەمی تاکێن پیرۆزێن کورتەباڵان دکەتە گەشەیەکا دی دا، و وان ژ وێ فشارا دەروونێ ڕزگار دکەت یا کو دبیتە هوکارێ جوداکرنا وان ژ کومەلگەهێ. نەسیبا یاسین، ئەو کچا کورتە باڵا یا کو هەمی سنورێن چەوساندن و تەپەسەرکرنێ بەزندی و مینا شێرە ژنەکا کورد یێن کو شورەش ژ بۆ گەلێ کورد کرین، نها ئەو سەرکێشیا کومەلەیەکا مرۆڤدوست دکەت، و ئەو کومەلەیا پیرۆز مینا ڕۆژەکا گەشە ل ژێر ناڤێ حکومەتا هەرێما کوردستانێ، کو بەردەوام دیتنێن مرۆڤایەتی تێدا دهێنە دیتن.
ئەز وەک نڤیسکارەک ئەڤان تالان ب پیرۆزیێن کومەلگەهێ دبینم و دبێژمە وانا دەنگێ من دگەل هەوەیە، و ئەز جالنجێ دگەل هەوە دکەم کو هوین هێدی ب هێزەکا مەزن هەست ب ژیانێ بکەن.
مرۆڤایەتی، مرۆڤایەتی، و هەر مرۆڤایەتی.
Comments are closed, but trackbacks and pingbacks are open.