ڕاپۆرتێن ڕۆژنامه‌ڤانییێن فره‌نسا ئاشكراكرن، یانه‌یا پاریس سانجێرمان چ هیڤی بۆ نووكرنا هه‌ڤبه‌ستا ستێرا خوه كیلیان ئێمباپى نه‌ماینه.
ڕادیۆیا مونتۆكارلۆ دیاركر، درامایا كیلیان ئێمباپى و پاریسێ ب تمامى ب دووماهى هاتییه و گه‌هشتییه خه‌له‌كا دووماهییێ، هیڤییێن جه‌ماوه‌رێ یانه‌یا پاریسى ژى بۆ مانا یاریكه‌رى گه‌له‌ك كێمبووینه.
هه‌مان ژێده‌ر ئاماژه ب هندێ دا، ئه‌وا نوكه جه‌ماوه‌رێ یانه‌یا پایته‌ختێ فره‌نسا دكه‌ت كو ل ده‌مێ یارییان داخوازا مانێ ژ ئێمباپى دكه‌ت، تێرا هندێ ناكه‌ت كو یاریكه‌ر هه‌لویستێ خوه ب گوهۆریت و به‌رده‌وامییێ ب چیرۆكا خوه دگه‌ل یانه‌یێ ب ده‌ت، چیرۆكا وى دگه‌ل خودانا یاریگه‌ها پارك دى پرێنس ب تمامى ب دووماهى هاتییه.
هه‌ڤبه‌ستا ئێمباپى دگه‌ل سه‌ركێشا خۆلا فره‌نسا دێ ل خزیرانا بهێت ب دووماهى هێت، چه‌ند ژێده‌ر دیار دكه‌ن یاریكه‌رى ڕێككه‌ڤتن دگه‌ل یانه‌یا ڕیال مه‌درید یا ئسپانی كرییه و ل مێركاتویا هاڤینێ دێ هه‌ڤبه‌ستێ دگه‌لدا گرێده‌ت.
Comments are closed, but trackbacks and pingbacks are open.