وه‌زاره‌تا كاره‌بێ: ڕه‌وشا كاره‌بێ دێ باشتر لێهێت

وه‌زاره‌تا كاره‌بێ ل د هژمارا خۆدا ل تۆڕا كۆمه‌لایه‌تییێ فه‌یسبۆكى به‌لاڤكر، د نۆكه‌دا 3400 تا 3500 مێگاواتێن كاره‌بێ به‌رهه‌مدئینن و دۆخێ كاره‌بێ باشتردبیت.

وه‌زاره‌تا كاره‌بێ ڕاگه‌هاند: خواستا وه‌لاتییان ل سه‌ر كاره‌بێ پێنچ هزار مێگاوات ده‌ربازكرینه‌ و چاڤه‌رێ دهێته‌كرن ب ساڕبوونا كه‌ش و هه‌واى خواست زێده‌تر ببیت.

گۆت ژى، د ماوێ چه‌ند رۆژێن بووریدا ل ده‌ڤه‌رێ، سار نێزیكى 12 بۆ 13 ده‌مژمێڕان كاره‌ب هه‌بوویه‌ و ل ناوچێن گه‌رم پترى 14 بۆ 15 ده‌مژمێران كاره‌ب هه‌بوویه‌ و ب تێكرایا 14 ده‌مژمێران كاره‌ب هه‌بوویه‌.

دیاركریه‌ ژى، ئه‌ڤرۆ یه‌كه‌یه‌كا وه‌به‌رهێنانێ كو وێستگه‌هه‌كا 300 مێگاواتییه‌، دێ هێته‌ ڤه‌كرن و یه‌كا دووێ ژى دێ ل ڕووژێن بهێت هێته‌ ڤه‌كرن، قوناغا ئێكێ هێلا شه‌قلاوه ‌- سوران ته‌مامبوویه‌ و دووهى ژى زێده‌تر ژ 200 مێگاواتێن كاره‌بێ بۆ ده‌ڤه‌ردارییا سۆران هاتییه‌ ڤه‌گوهاستن كو به‌رى نوكه‌ شیانێن 150 بۆ 160 مێگاواتێن كاره‌بێ هه‌بوون.