ب مەرەما خزمەتکرنا نەخۆشان و کەرتێ ساخلەمیێ، ب ئامادەبونا جێگرێ پارێزگارێ دهۆکێ کومەلگەهەکا نوژداری یا بێ قازانج لدهۆکێ هاتە ڤەکرن.
شەمعون شلیمون، جێگرێ پارێزگارێ دهۆکێ د چارچوڤێ ڤەکرنا کومەلگەها نۆشداری یا مارنرسای دیارکر کو ئەو وەکو کارگێریا پارێزگەها دهۆکێ دلخوشن ب ڤەکرنا کومەلگەها نوژداری یا ب ڤی رەنگی و گوت: (خەلکێ مە د چەندین قوناغێن هەستیار دا بوری یە و توشی چەندان قەیران و نەخۆشیان بویە، پێدڤی ب هندێ یە کو هاریکاریا وان بهێتەکرن، وەک کارگێریا پارێزگەها دهۆکێ پشتەڤانیێ ل هەر بزاڤ و کارەکێ کەین کو د بەرژەوەندیا وەلاتیان دا بیت).
ئەترا بەرخۆ، جێگرێ رێڤەبەرێ کومەلگەها نوژداری یا مارنرسای بۆ ئاژانسا خانی گوت: (بۆ ئێکەمجار ل سنورێ پارێزگەها دهۆکێ کومەلگەهەکا نوژداری یا قازانج نەویست هاتە ڤەکرن کو دێ خزمەتەکا باش بۆ کەرتێ ساخلەمیێ و وەلاتیان ل دهۆکێ ب گشتی کەت).
زێدەتر گوت (کومەلگەهـ پێکدهێت ژ کومەکا خزمەتگۆزاریێن ساخلەمی مینا راوێژکاری، تاقیگەهـ، دەرمانخانە، پشکا نەخۆشیێن ئافرەت و زاروکبوونێ و چەندین خزمەتگۆزاریێن دی، ئەڤ کومەلگەهە ب هاریکاریا دوو رێکخراوێن نیڤدەولەتی هاتیە چێکرن، هەموو خزمەتگۆزاریێن وێژی دێ ب بهایێنە خوشخانەیێن، حوکمی و ب رەزامەندیا سەندیکا دەرمانسازان و ئالیێن پەیوەندیدار بیت).
بلند بهجت
Comments are closed, but trackbacks and pingbacks are open.