وه‌زیرێ كاره‌با حكومه‌تا هه‌رێما كوردستانێ، ب هاریكارییا شانده‌كێ وه‌زاره‌تێ ل به‌غدایه و دێ دگه‌ل وه‌زیرێ كاره‌با ئیراقێ كۆمبیت.
كه‌مال محه‌مه‌د سالح و عادل كه‌ریم، وه‌زیرێن كاره‌با هه‌رێما كوردستان و ئیراقێ بڕیاره د كۆمبوونێدا دووڤچوونا چه‌ندین ته‌وه‌ران بهێته‌كرن ژ وان ژى، جێبه‌جێكرنا هژماره‌كا پرۆژان ل ده‌ڤه‌رێن ماددێ 140، بهێزكرنا ڤه‌گوهاستنا كاره‌بێ و چاوانییا مفا وه‌رگرتن ژ شیانێن ئێك.
هه‌روه‌سا وه‌زیرێن كاره‌با هه‌رێمێ و ئیراقێ دێ دووڤچوونا بجهئینانا هژماره‌كا پرۆژێن به‌رهه‌مئینانا كاره‌بێ ب رێكا گازا ب هه‌روه‌چووى یێن كێلگه‌هێن په‌ترۆلێ وه‌ك وێستگه‌ها به‌رهه‌مئینانا كاره‌با گه‌رمیان، دابینكرنا سووته‌مه‌نیا بۆ وێستگه‌هێن به‌رهه‌مئینانا كاره‌با هه‌رێما كوردستانێ، پشكداریا وه‌زاره‌تێ د كۆنگره و كۆنفرانسێن ناڤده‌وله‌تى یێن وزێ، پێنگاڤا بجهئینانا چه‌ند وێستگه‌هێن ڤه‌گوهاستنا كاره‌با شێخان و چه‌ند ده‌ڤه‌رێن دى كه‌ت.
Comments are closed, but trackbacks and pingbacks are open.