بڕیارە دەستپێکا حەفتیا بھێت ئێکەم کۆمبوونا پەرلەمانێ ئیراقێ بھێتە ئەنجامدان و بەربژێرەکا سەرکەفتی بۆ پەرلەمانی ژی ئاشکراکر، ھێشتا لایەنێن سیاسی لدۆر پۆستێن بلندێن ئیراقێ نەگەھشتینە رێکەفتنێ.
جوان عەبدولا، بەربژێرا سەرکەفتی بۆ پەرلەمانێ ئیراقێ بۆ ئاژانسا خانی دیارکر” ھەتا نوکە رێکەفتنێن ناڤبەرا لایەنێن ئیراقی بێ بەرھەم بووینە و نەگەھشتینە رێکەفتنێ بۆ چاوانیا بەلاڤکرنا پۆستێن بلندێن ئیراقێ و پێکئینانا حوکمەتا نوویا ئیراقێ، بەلێ دانوستان دبەردەوامن و ئەز باوەرم داھاتی دێ ئەنجام ھەبن، چونکە دوماھیێ لایەنێن سیاسی دێ ھەر گەھنە قۆناغا رێکەفتنێ و پێک ئینانا حوکمەتێ.
جوان عەبدولا ئاماژەکر” بڕیارە حەفتیا بھێت ئێکەم کۆمبوونا پەرلەمانی بھێتە گرێدان و تێدا بەربژێرێن سەرکەفتی دێ سوندا قانوونی خوینن و بنە پەرلەمانتار، بەلێ دیار نینە دێ چارەنڤیسێ دیارکرنا سەرۆکێ پەرلەمانی و ھەردو جێگرا گەھیتە چ ئاست، چونکە ھێشتا چو رێکەفتن نینە دێ کیش پێک ھاتە پۆستێ سەرۆکێ پەرلەمانی وەربگریت ھیڤدارین ھەتا حەفتیا بھێت لایەنێن سیاسی بگەھنە رێکەفتنێ، ھەتا پەرلەمان بشێت د ئێکەم کۆمبووندا سەرۆک و جێگرێن خۆ ھەلبژێریت.
Comments are closed, but trackbacks and pingbacks are open.