محمد سالح عەباس
ئەڤە ئێک ژ وان پرەنسیپایە یێت هزرمەندێن تیورا (کەتواری یا کلاسیک) دیاردکەن دەربارەی هەڤرکی وناکوکیێ د سیاسەتا نیڤدەولەتی دا، کو د سیاسەتا نیڤدەولەتی دا هەمی دەولەت کاردکەن ژبو هندێ کو هێزا خو زێدەبکەن.
هەر وەکی (هانز مورگنثاو) دیاردکەت کو ئەڤ چەندەژی بو سروشێ مروڤی دزفریت کو مروڤ ژی ب هەمان شێوەیە کو هەمی تشت بخو دڤێن (الانانية) ودڤێت خو دیاربکەت یێ بهێزە.
ل دیڤ ڤێ چەندێ هەر دەولەتەک دێ بەرڤ هندێ چیت کو هێزاخو زێدەبکەت ویێن لاواز بەرڤ هەڤپەیمانیا بچیت داکو ماناخو کرنتی بکەت، هەروەکی ئەڤا دناڤبەرا روسیا و ئوکرانیادا رویدەت ل دیڤ ڤێ چەندێ روسیا دڤێت زێدەتر هێزا خو زێدەبکەت وبو جیهانێ دیاربکەت کویا ب هێزە ودفێت دیاربکەت کو ئەڤ دەولەتە دەڤەرێن وێ یێن (نفوذ)ێ نە هەر بمینن لبن سیبەرا وێ هەروەکی بەری نوکە ئێکەتیا سوڤیەتا بەرێ هەروەسا دوبارە کونترولا وێ لسەر نیمچە کزیرتا قەرم کو ل سالا ۱۹٥٤ (نێکیتا خروشوڤ) پێشکێشی ئوکرانیا کربو دوبارە ل سالا ۲۰۱٤ بویە جهێ هەڤرکیێ ڤە حەزا روسیا بو قرم بو وێ چەندێ دزفریت کو جهەکێ ستراتیجی هەم بو بنگەهێن سەربازی وبازرگانی کو جوگرافیا وێ دکەفیتە سەر دەریا رەش و درێژدبیت هەتا گەروی بوسفور، هەروەسا قرم یا دەولەمەندە ب غازا سروشی ونەفتێ ئەگەرەکێ دی کو روسیا زێدەتر ڤێ چەندێ دکەت ژبو هندێ یە کو ئوکرانیا وهند دەولەتێن دی مینا بیلاروسیا وجورجیا، مولدوفیا نەچنە پال هاڤپەیمانیا(ناتویێ) کو ئێک ژمەرەمێن ڤێ ئێکەتیێ بخو ددەمێ خودا بو هندێ بو کو سنورەکی بو بەرفرەهبونا ئێکەتیا سوڤیەت ب دانیت وسنورداربکەت، یا گرنگ ئەوە کو ئایا ئەڤ هوکارە وهەڤرکیێن نوکە دێ بیتە ئەگەر کو رەوش ب گەهیتە ئاستێ جەنگەکێ بەرفرەه؟
نابین جەنگەکێ مەترسیدار ومەزن رویبدەت،
بەلێ ئەگەر جەنگ رویبدەت دێ یا مەترسیداربیت و بەرەف ئالوزیێ چیت، چونکی روسیا ئەندامە د ئەنجومەنێ ئاسایشێدا وخودانا پێشەسازیەکا مەزنا دروستکرنا چەکی یە و دهەمان دەمدا خودانا مەزنترین یەدەکێ غازا سروشتی یە ودووەم مەزنترین ژێدەرێ نەفتێ ئەگەر دژایەتیا وێ بهێتەکرن ژلایێ دەولەتێن ئەوروپی وناتویێ ب شێوێ برینا پەیوەندیێن دبلوماسی وئێخستنا باجا لسەر ژلایێ ئابوریڤە هەتا یێن سەربازی ژی، ودبەرامبەردا روسیا کو دەلەتەکا زلهێزە دێ زێدەتر گرژی ئالوزیا پەیداکەت ل گەلەک جهان نەبەس ئوکرانیا ودبیت هند دەولەتێن دی ڤێ چەندێ بەرڤ جەنگەکێ ب وەکالەت ببەن.
- دکاری هەموو بابەتێن خۆ ببینی …
Comments are closed, but trackbacks and pingbacks are open.