سەرۆک کۆمارێ تورکیا ب ڕێکا ڤیدیۆ کۆنفڕانسەکى پەیوەندى ب داڤەندا فەرماندەیا “ئۆپەڕاسیۆنا چەنگ- بروسکە و چەنگ- تریشقە” کر کو ئۆپراسیۆنێن خۆ بۆ سەر ڕێکخراوا پەکەکێ ل باکورێ عیراقێ ئەنجام ددەت و پەکەکە ژى ڕادگەهینیت شەڕى بەردەوامى هەیە.
دەربارەى جهێ ئوپۆپەراسیۆنێ ژى کو ل هەرێما کوردستانێ یە و وەک ئەو دبێژیت باکورێ عیراقێ یە ئەردۆغان ڕاگەهاند، ئەم ئەڤێ ئوپەراسیۆنێ بۆ بەرچاڤگرتنا ئێک پارچەیا ئاخا عیراقێ ئەنجام ددەین و دێ مفایەکێ گرنگ بۆ ئاشتى و سەقامگیریا دەڤەرێ هەبیت.
ژلایەکێ دى ژیڤە وەزارەتا بەرەڤانیا تورکیا ڕاگەهاندنەک بەلاڤکریە و تێدا هاتیە، “دوهى شەمبیێ د چارچووڤێ هەردوو ئۆپڕاسیۆنێن چەنگێ بروسک و تریشقە دا فڕۆکێن مەیێن جەنگى چار پێگەهێن پەکەکێ ل چیایێ قەندیل کرینە ئارامانج.”
وەزارەتا بەرەڤانیا تورکیا ئەو یەکە ژى دایە دیارکرن، “ئۆپڕاسیۆنا چەنگێ پلنگ د بنەرەت دا ل هەرێما کوردستانێ دهێتە ئەنجام دان، لێ ئەڤجارە ب پلانەکا هەڤبەش دگەل ئۆپراسیۆنا بروسک و ترایشقە دگەل فڕوکێن جەنگى بۆمبەبارن ئەنجامدایە.”
بەریا نها ل 23ى نیسانێ دا، تورکیا ل دەڤەرێن چییایێ مەتین و ئاڤاشین و باسیان ئۆپراسیۆنا بروسک و ترایشقە ب بهانەیا هەبوونا هێزێن پەکەکێ ل هەرێمێ دەستپێکر.
لگورى زانیاریێن میدیایێن نێزیک ژ پەکەکێ ل گرێ مام ڕەشۆ ل هەرێما ئاڤا شین یا سەر ب هەرێمێن پارستنا مەدیا، دناڤبەرا گەریلایێن ئازادى کوردستان و سوپایێ تورکیا دا شەڕەکێ گران هەیە و ب وێ سەدەمێ ژى چەندین سەربازێن تورکیا هاتینە کوشتن.
Comments are closed, but trackbacks and pingbacks are open.