دەستەیا گەشت و گوزارا ھەرێما کوردستانێ ھژمارەکا دەرچوویێن پشکا گەشت و گوزاری یێن زانکو و پەیمانگەھێن ھەرێمێ ددامەزرینیت.
ئەمەل جەلال سەرۆکا دەستەیا گەشت و گوزارا ھەرێمێ ڕاگەھاند ، کو د ئێکەم قۆناغ دا دێ ٧٥ دەرچوویێن پشکا گەشت و گوزاری بۆ ھەر سێ پارێزگەھێن ھەرێما کوردستانێ ب پیشەیا رێبەرێ گەشتیاری ھێنە دامەزراندن ، بۆ وێ مەبەستێ ژی ل ھەفتیا داھاتی ل سلێمانیێ دێ خولەکا ڕاھێنانێ بۆ ٢٥ دەرچوویێن زانکو و پەیمانگەھان ڤەکەن و پاشان دێ ل ھەولێر و دھوکێ ژی دەستپێکەن.
سەرۆکا دەستەیا گەشت و گوزارا ھەرێمێ ئاشکەرا ژی کر ، کو رێبەرێن گەشتیاری دێ ل گەل وان گرۆپێن گەشتیاری بن یێن دھێنە ھەرێنێ و ب زمانێ وان دێ زانیاریێن تەمام ل سەر جھێن گەشتیاری و مۆزەخانە و جھێن دیرۆکێ پێ بەخشن.
ئەمەل جەلال گووت ژی د دەمێ ٤ مەھێن دەستپێکا ڤێ ساڵێ زێدەتر ژ ٦٠٠ ھزار گەشتیاران سەرەدانا دەڤەرێن گەشتیاریێن ھەرێما کوردستانێ کرینە و پرانیا وان ژی گەشتیارێن باژێرێن ناڤەراست و باشوورێ عیراقێ بوون.
Comments are closed, but trackbacks and pingbacks are open.