وەزیرێ دەرڤە یێ ئەمریکا د پەیوەندیەکا تەلەفۆنیدا دگەل سەرۆک کۆمارێ عێراقێ ڕاگەهاند، ئەرکێ شکستئینانا داعشێ ل عێراقێ هێشتا تەمام نەبوویە و پشت ب شیانێن هێزێن عێراقێ گرێدایە.
وەزارەتا دەرڤە یا ئەمریکا ڕاگەهاندنەک بەلاڤکر و تێدا هاتیە، ئەنتۆنی بلنکن وەزیرێ دەرڤە یێ ئەمریکا د پەیوەندیەکا تەلەفۆنیدا دگەل بەرهەم سالح سەرۆک کۆمارێ عێراقێ ئاماژە ب وێیەکێ کریە، ئەرکێ شکستئینانا رێکخراوا داعش هەیا نها ب داوی نەهاتیە و بۆ ڤێیەکێ ژی پشت ب هێزێن عێراقی دهێتە گرێدان.
وەزیرێ دەرڤە یێ ئەمریکا ئەوژی دیارکریە، واشنتۆن تەکەزێ دکەت لسەر پابەندبوونێ ب لهەڤهاتنا ستراتیجی یا دناڤبەرا واشنتۆن و بەغدا دا یا بهێز و سەقامگێری و پێشڤەبرنا عێراقێ ڤە.
ئەڤە ددەمەکیدایە، ل دەمێن دەربازبوویدا، پشتی کو بزاڤا تالیبان باژێرێ کابول یێ پایتەختێ ئەفغانستانێ کۆنترۆلکری، د ئێکەم گوتارا خۆدا جۆ بایدن سەرۆکێ ئەمریکا ڕاگەهاند، “پێتڤی بوو ئارتێشا ئەفغانستانێ بخۆ بەرەڤانی ژ خۆ کربا نە سەربازێن مە. ئێدی ئەم د ئامادە نینین کوڕ و کچێن خۆ بدەینە کوشتن”. د تویتەکیدا ژی ئاماژە ب وێیەکێ کر، ل گەلەک وەلاتان مە شەڕ ل دژی تیرۆرێ کریە، لێ ب بەردەوامی ل وان وەلاتان نا مینین.
Comments are closed, but trackbacks and pingbacks are open.