ژیاندوست
هندەکجاران مرۆڤ باوەر ژ گوهێن خۆ ناکەت هندەک جاران ژی ژ چاڤێن خۆ هەکو مرۆڤ هندەک جوانییا دبینیت یان ژی گوهلێ دبیت
لڤێره و وێرا هە پۆستەرەک ببەر چاڤان دکەفت ( ل دهۆکێ رێڤەبەریا گشتیا رەوشەنبیری و هونەری ـ رێڤەبەریا چالاکیێن وێژەیی دێ دیدارا سێیێ یا ئەدەبێ ژنان ساز کەن )!
ژ راست ئەز مەندەهۆش بووم ئەڤە ئەز ل کیڤەمە
ـ ئانکو ژ راست دێ دیدارەکا ئەدەبی بۆ جارا سێیێ د جەرگێ قەیرانێ دا ساز بیت !
و من ئاگەهـ ژێ نەبوو ؟!
ئەڤە بتنێ جهێ دەستخۆشیێ نینە ، بەلکو جهێ پالپشتیێ یە بۆ هەر و هەر بەردەوامییێ
سپێدەیا سێزدەیی ڤێ مەهێ من قەستا جهێ دیدارێ( ئوتێلا ژیان ) د هەمبێزا بایێ هوین یێ گەلیێ دهۆکێ دا کر
چەند تشتەکێ خۆشە ! تۆ باوەردکەی ل وێ هولێ جهێ مرۆڤان نەما! تژی نڤێسەر تژی خواندەڤا تژی هونەرمەند و تژی هونەردوست و رەوشەنبیر ، ل دەستپێکێ ژ پەیڤێن فەرمی بێهنا پیتەدانێ و ئومێدێ دفری
پاشی پانێلەکێ گەرم و گور و تژی دانۆستاندن دەم بۆ خۆ هێلا
هندەکا دگوت ئەرێ ئەدەبێ ژنێ هەیه ؟ هندەکا ژی دگوتێ ئەرێ ئەڤ دیتنە دناڤبەرا ئەرێ و نەیێ دا گەرم دبوو
هۆسا دەم ژ نیڤرۆ بوری و گەرمیا دیدارێ رێ نەدا هەست بدەمی بکەم
هۆسا ئەو رۆژ ئاڤا بوو دنیایێ خۆ بجلکێت رەش خەملاند
بەری بریارێ بدەم کانێ رۆژا دووێ دێ هێم یان ژی نە من تەماشەی پرۆگرامێ نڤیسی یێ دیدارێ کر پتر ژ بیست پشکدارێن پانێلان! د هەردوو رۆژان دا هاتنە دیتن ، ڤێجا ناڤێن مەزن یێن ئەدەبیاتێ ، ڤێجا شوینتبلێن ژنێ لسەر دیرۆکا نڤیسانێ ڤێجا پەهلەوانیا ژنێ د ئەدەبێ فلکلوری دا و چەند ناڤ و نیشانێن دیتر کو جوانی ژێ د باری
من هۆسا بریاردا پشکداری رۆژا دووێ ژی ببم ، وێنەیێن ب کوم یێن تژی شادی دانوستاندنێن تاک تاک ل دەرڤەی هولێ ، ژبلی گەرماتی و جوانیێن د هولێ دا تێکەلی ئێک د بوو ، هوین د زانن دڤێ دیدارێ دا زەلام ژی هەبوون برێڤەبرن دکر بابەت پێشکێش دکرن؟ ئەڤەبوو ئەوا کەڤال جوانتر لێکری
دونیایێ رۆژا دویێ ژی زەنگلا تاریبوونێ لێدا ، من بریارا ڤەگەریانا مال دا ، پاشی هاتە گوتن ، دوماهیا خوش پەیڤێن ژنێن هەلبەستڤانن شەش بۆ حەفت ژنان دگەل پێشکێشکرنا پێشکێشکارەکا پەیڤ نازک چوونە سەر دەپێ شانویێ و پەیڤێن خۆ یێن تژی ژ بەرخودانێ ، ئۆمێدێ ، ڤیانا وەلاتی و چاڤەرێبوونێ خواندن، ئەز ل هەوە ناڤەشێرم من دناڤ ئەڤێ جوانیێ دا ب چ رەنگا هەست ب ماندووبوونێ و بێزاریێ نەکر ، بەری ئەز ژ هۆلێ دەرکەڤم کورەکێ ماندی ب گرنژین ڤه ل بەر دەرگەهێ هۆلێ گوتە من
ـ تۆ گەلەک بخێرهاتی خانم !
ئەز ژ وێ دیدارا گەرم و خۆش و جوان و بەرکەفتی دەرکەفتم ، من ددلێ خۆدا بریاردا هەردەم پشکدار ببم
بەلێ نزا کانێ دەم و کاودان دێ من ژبریارێ لێڤەکەن یان ژی نە، ئەز وێ نزانم !
